【試新嘢！】
當初英記話「喂搵你試食」的時候我真是又期待又怕受傷害。對於我這種不喜吃甜的壞鬼後生來說，如果收到杏仁餅老婆餅呢挺傳統糕餅，真係唯有上貢給我家老佛爺。但估你唔到，一間差唔多有90年歷史的老餅店，都咁與時並進，不時推出新產品。
今次就收到新品「牛軋餅」＆「特級千層原味杏仁酥」。「牛軋餅」是用兩片香蔥梳打餅夾住牛奶紐結糖，外層脆口鹹香，夾心煙韌好𡁻，甜度是深得我心的降兩度。我在影相時已情不自禁連啪兩塊。
「特級千層原味杏仁酥」表面滿佈香甜杏仁片，咬落鬆化，夾帶牛油香，乃是下午茶提神回血佳品。
最開心是牛軋餅有獨立包裝，方便派街坊；杏仁酥則是密實膠盒，想得閒偷食一兩條都好企理。
多謝 澳門英記餅家 Macau Yeng Kee Bakery 承包我這個禮拜的茶點！
Search